06 avqust 2007-ci il tarixində Azərbaycan İnvestisiya Şirkəti ilə Asiya İnkişaf Bankı arasında əməkdaşlığa dair Anlaşma Memorandumu imzalanmışdır. Memoranduma müvafiq olaraq tərəflər aşağıdakı istiqamətlərdə əməkdaşlığa dair razılaşma əldə etmişlər:  

• Azərbaycan iqtisadiyyatının qeyri-neft sektoruna birgə investisiya qoyuluşlarının həyata keçirilməsi;
• iqtisadiyyatın müxtəlif sahələrində birgə tədqiqatların aparılması;
• layihələrin birgə qiymətləndirilməsi və maliyyə təhlilinin aparılması;
• potensial investorlar və perspektiv layihələrə dair məlumat mübadiləsi;
• investorlar şəbəkəsinin genişləndirilməsi;
• Asiya İnkişaf Bankının nümayəndələri tərəfindən AİŞ-in əməkdaşları üçün təlimlərin və digər tədris proqramlarının keçirilməsi;
• Azərbaycanda fəaliyyət göstərən kommersiya təşkilatlarına birgə texniki dəstəyin göstərilməsi.

Bunlarla yanaşı tərəflər gələcəkdə maraq doğura biləcək digər istiqamətlərdə də birgə fəaliyyət göstərmək barədə razılığa gəlmişlər.