Martın 14-də Azərbaycan Respublikasının İqtisadi İnkişaf naziri cənab Şahin Mustafayevin sədrliyi ilə Azərbaycan İnvestisiya Şirkətinin (AİŞ) Müşahidə Şurasının iclası keçirilmişdir. İclasda Küveyt Maliyyə Evinin törəmə şirkəti olan "Turkapital"ın və AİŞ-in təsisçiliyi ilə "Küveyt-Azərbaycan İnvestisiya Şirkəti" Qapalı Səhmdar Cəmiyyətinin yaradılması layihəsi təsdiq edilmişdir. Şirkətin nizamnamə kapitalı ilkin mərhələdə 500 min ABŞ dolları təşkil edəcək və səhmdarlar arasında "Turkapital" - 75% və AİŞ - 25% nisbətləri ilə bölüşdürüləcəkdir. Şirkətin nizamnamə kapitalının 2 il ərzində tədricən 20 mln. ABŞ dollarınadək artırılması nəzərdə tutulur. Nizamnamə kapitalının artırılması yuxarıda qeyd olunan faiz nisbətlərinə uyğun olaraq aparılacaq.

"Küveyt-Azərbaycan İnvestisiya Şirkəti" QSC iqtisadiyyatın müxtəlif sahələrinə xarici investisiyaların cəlb edilməsi və yerli müəssisələrə sərmayə qoyuluşlarını həyata keçirəcək.

AİŞ-in Müşahidə Şurasının iclasında təşkilati məsələlərə də baxılmışdır.